Hormatly ulanyjy! Saýta agza bolmak, hünärmenleri gözlemek we gözden geçirmek üçin oňa giren her bir Ulanyjy-şahsyýet (mundan beýläk - ULANYJY), aşakdaky ulanyjylyk ylalaşygyny, onda beýan edilen düzgünler, şertler we talaplar bilen ylalaşýar we saýty ulanmaklygy dowam etdirmek arkaly hakyky ylalaşykda bildirilen ähli hukuklary we borçlary öz üstüne alýar.
Saýtda hünärmenlik bildirişleri (mundan beýläk - TEKLIPLER) ýerleşdirmek tölegsiz amala aşyrylýar. ULANYJY saýtyň mümkinçiliklerini dogruçyl peýdalanmaly we beýleki ULANYJYLARYŇ hakyky maksatlaryna laýyk gelmeýän TEKLIPLERIŇ goşulmagyna ýol bermeli däldir.
1. Ylalaşygyň düzgünleri.
1.1. "HÜNÄR.MEN" taslamasynyň awtorlary (mundan beýläk - AWTORLAR), ULANYJYLARA öz hyzmatlaryny hakyky Ulanyjylyk ylalaşygynyň (munden beýläk YLALAŞYK) düzgünlerine esaslanyp hereket edýärler.
1.2. YLALAŞYK AWTORLAR tarapyndan duýdurylmazdan üýtgedilip biliner. YLALAŞYGYŇ düzedilen görnüşi saýtda ýerleşdirilen wagtyndan soň güýje girýär. Onuň yza täsir ediş güýji ýokdyr. YLALAŞYGYŇ şertlerini, kadalaryny, düzgünlerini bilmezlikden gelip çykan ýagdaýlardaky jogapkärçilikden hiçbir ULANYJY boşadylmaýar.
2. Hyzmatyň beýany.
2.1. Hakyky web-sahypa (mundan beýläk SAÝT) – ULANYJYNYŇ öz howpuna we töwekgelçiligine özbaşdak jogap berýän, tanalmadyk adamlar köpçüligine öz hyzmatyny hödürlemegi göz öňünde tutulan Internet-meýdançasy bolup durýar. Saýtda islendik ULANYJY, islendik beýleki ULANYJYLARA ýa-da ULANYJA berlen TEKLIPLERI öz isleglerine görä kabul edip ýa-da etmän hem bilerler. Olara SAÝT we/ýa-da AWTORLAR jogapkärçilik çekmeýär.
3. AWTORLARYŇ hukuklary we borçlary.
3.1. Hukuklary.
a) AWTORLAR hiçbir ýagdaýda TEKLIPLERE gyzyklanma bildirilmeýänligine jogapkärçilik çekmeýär.
b) AWTORLAR islendik wagtda ULANYJY tarapyndan YLALAŞYGYŇ ýerine ýetirişini we onuň TEKLIPLERINI barlamaga hukugy bardyr. Eger ULANYJYNYŇ adyna, onuň SAÝTDA goýberen düzgün bozmalary babatynda 3 (üçünji) ULANYJYDAN şikaýatlar gelen halatynda, AWTORLAR hiç-kime duýdurmazdan onuň agzalygyny bes etmäge hem/ýa-da bar bolan TEKLIPLERINI ret etmäge hukugy bardyr.
ç) SAÝT we AWTORLAR hiç bir ýagdaýda ULANYJYLARA we olaryň TEKLIPLERINE güwä geçmeýär.
3.2. Borçlary.
a) Hereket edýän YLALAŞYGA laýyklykda, ol ýa-da beýleki ULANYJA, öz TEKLIPLERINI goşmaga hem aýyrmaga we beýleki ULANYJALARYŇ TEKLIPLERINI gözlemäge mümkinçilik berýär.
b) ULANYJYLAR tarapyndan girizilen agzalyk maglumatlaryny hususanda adyny, telefon belgisini, e-poçta salgysyny, suratyny we açar sözüni, hereket edýän YLALAŞYKDA hem-de Türkmenistanyň kanunçylygynda göz öňünde tutulan halatalardan başga ýagdaýlarda, üçünji tarapa bermezlik.
ç) ULANYJYNYŇ birinji talaby esasynda onuň agzalygyny bes etmek bilen, özüne degişli ähli maglumatlary dessine SAÝTDAN aýyrmaga.
4. ULANYJYNYŇ SAÝTDAKY hukuklary we borçlary.
Hakyky YLALAŞYGA laýyklykda, ULANYJY aşakdaky şertler bilen borçlandyrylýar:
4.1. Häzirki YLALAŞYGYŇ aýrylmaz bölegi bolan SAÝTA, TEKLIP goşma düzgünlerini bilmek we berjaý etmek.
4.2. Türkmenistanyň kanunlaryna garşy gelýän maglumatlary SAÝTA ýerleşdirmezlik.
4.3. Ýalan-ýaşryk maglumaty ýerleşdirmezlik.
4.4. SAÝTYŇ maglumat howpsyzlygyny bozmazlyk ýa-da onuň ugrunda hereket etmezlik.
4.5. Özge at bilen ýa-da özge guramanyň adyndan çykyş etmezlik. Islendik ýollar arkaly hiç bir ýagdaýda beýleki ULANYJYLARA we SAÝTYŇ administrasiýasyna özi hakynda ýalan maglumatlary bermezlik.
4.6. ULANYJYNYŇ özine degişli bolmadyk TEKLIPLERI we/ýa-da beyleki ULANYJYLARA degişli maglumatlary bilkastlaýyn üýtgetmeklige we ýok etmezlige synanşmazlyk, ýa-da şeýle hereketi etmezlik.
4.7. TEKLIPLERDE görkezilen ULANYJYLARYŇ YLALAŞYGYŇ 3.2. maddasynyň "b" böleginde görkezilen maglumatlary, SAÝTYŇ tematikasyndan daşary maksatlar üçin ulanylmaly däldir.
4.8. ULANYJYNYŇ hukugy bolmazdan özge telefon belgisinden peýdalanyp SAÝTA agza bolmaly däldir. Bu ýagdaý anyklanylan halatynda ULANJYNYŇ agzalygy bes edilýär.
4.9. Şahsy otagyň açar sözüni üçünji tarapa bermeli däl. Eger näsazlyklar ýüze çykan ýagdaýynda jogapkärçiligi ULANYJYNYŇ doly özi çekýär. ULANYJY SAÝTYŇ açar sözüniň gizlin saklanylmagyna şahsy jogapkärçilik çekýär.
4.10. Herbir ULANYJY, beýleki ULANYJYLARYŇ TEKLIPLERI esasynda ikinjiniň hyzmatyndan peýdalanmazdan öň, TEKLIBINDEN peýdalanylýan ULANYJYNYŇ şahsyýetiniň birinji babatynda howpsuzlygy, ikinjiniň TEKLIBINDE beýan edilen hyzmaty amala aşyrmaklykda ýüze çykyp biljek soraglar, howplar (şol sanda birinjiniň jany, saglygy, maddy ýagdaýy, abraýy, ar-namysy hem-de moral ýagdaýy bilen baglanşykly howplar) babatynda hut birinjiniň jogapkärligine düşünip, ULANYJY ähli zerur çäreleri geçirmelidir.
4.11. SAÝTDA TEKLIP ýerleşdiren ULANYJY, beýleki ULANYJYLARYŇ onuň TEKLIBINDEN peýdalanmak üçin ýüz tutan pursatyndan başlap, TEKLIP amala aşarylýança özara gatnaşygy we TEKLIP bilen baglanşyklyk ähli işleri Türkmenistanyň kanunçylygyna esaslanyp ýerine ýetirmelidir. Şunuň bilen bagly islendik howplara, çykdajylara we beýleki nogsanlyklara özbaşdak baha berýär we şahsy jogapkärçilik çekýär.
4.12. SAÝTA ýerleşdirilen TEKLIPLER esasynda maddy ýa-da/we pul serişdeleri beýleki ULANYJA wagtlaýyn bermeklige, oňa tabşyrmaklyga ýa-da ondan kabul etmeklige karar berlen halatynda, şol maddy serişdeleriň bikanun däldigine ULANYJYLARYŇ hut özleriniň barlamaga hem-de zerur halatlarda bikanun maddy serişdeler hakynda degişli edaralara haýal etmän habar bermäge borçlydyr.
Hakyky YLALAŞYGA laýyklykda, ULANYJY aşakdaky hukuklara eýedirler:
4.13. SAÝTDA agza bolan ULANYJY TEKLIP ýerleşdirmäge mümkinçilik gazanýar.
4.14. ULANYJY, öz şahsy oý-pikilerine esaslanyp, SAÝTDA ýerleşdiren TEKLIBI esasynda özüne ýüz tutan islendik ULANYJA, TEKLIBI amala aşyrmak bilen bagly işleri geçirmekden boýun gaçyrmaga hukugy bardyr.
4.15. Herbir ULANYJY özüne degişli bolan TEKLIPLER esasynda oňa ýüz tutan islendik ULANYJA, özüniň oý-pikirleri esasynda hak-heşdek talap etmäge hukugy bardyr. Şu ýagdaýda talap edilýän hak-heşdegi TEKLIBIŇ awtory bolan ULANYJA bermek ýa-da bermezlikde onuň TEKLIBINDEN peýdalanýan beýleki ULANYJY öz şahsy oý-pikirlerinden gelip çykýan kararyna esaslanýar hem-de öz karary boýunça şahsy jogapkärçiligi çekýär.
5. SAÝTDA ýerleşdirilmegi gadagan TEKLIPLER we MAGLUMATLAR
5.1.Türkmenistanyň kanunçylygyna ters geljek mazmunly maglumatlar.
5.2. Jemgyýetçilik ahlak kadalaryna laýyk gelmeýän maglumatlar.
5.3. Hereket edýän YLALAŞYGA, SAÝTYŇ işine (SQL-inýeksiýalar, HTML tegler, JS-kodlar we şm) we oňa TEKLIP ýerleşdirme düzgünlerine garşy gelýän maglumatlar.
6. SAÝTYŇ materiallaryny ulanmak.
6.1. ULANYJY, SAÝTDA öz adyndan ýerleşdirýän maglumatyna we onuň hakykylygyna we dowamlylygyna jogap berýär.
6.2. SAÝTDA ULANYJYLAR tarapyndan ýerleşdirilen islendik TEKLIPDE görkezilen maglumatlaryň dogrulygyna ýa-da dogry däldigine AWTORLAR hiç bir ýagdaýda jogapkärçilik çekmeýär.
6.3. AWTORLAR SAÝTDA doly ýa-da rejeli bolmadyk maglumaty ýerleşdirmezlige çalyşýar, muňa garamazdan jogapkärçiligi ony ýerleşdiren ULANJY çekýär.
7. Güwanamalar we jogapkärçilik.
7.1. ULANYJY tarapyndan SAÝTDA ýerleşdirilen TEKLIPLERE, AWTORLARYŇ gözegçiligi bolmadyk ýagdaýynda ýerleşdirýändigi sebäpli hem-de şeýle gözegçiligi amala aşyrmaklygyň mümkin däldigini nazara alyp, her bir ULANYJY, onuň SAÝTDA ýerleşdiren TEKLIBINIŇ mahabatlandyryjy we mahabaty ýaýradyjy häsiýete (şeýle TEKLIPLERI goşmak gadagan edilýär) eýe bolan ýagdaýynda, öziniň mahabatlandyryjy we mahabaty ýaýradyjy hökmünde, TEKLIBINIŇ Türkmenistanyň kanunçylygyna gabat gelmegine hem özi jogap berýär. (Türkmenistanyň mahabat hakynda kanuny)
7.2. AWTORLAR internet we serwer ulgamynda ýüze çykýan bozulmalaryna we SAÝT ulanylanylanda kompýuter wiruslarynyň ýüze çykmazlygyna güwä geçmeýär. Eger SAÝT ulanylanda ol we beýleki enjamlaryna zeper ýetmeler we ýitgiler dörän ýagdaýynda AWTORLAR bu jogapkärçiligi öz üstüne almaýar.
7.3. AWTORLAR, ULANYJYLAR tarapyndan ýerleşdirilen TEKLIPLER bilen baglanşykly bolup biljek ähli howplary, jenaýatlary we Türkmenistanyň kanunçylygynda görkezilen bikanun hereketleri ýa-da hereketsizligi ULANYJYLARYŇ jogapkärçiliginde galdyrýar.
7.4. ULANYJY özüne degişli bolan TEKLIPLER esasynda oňa ýüz tutan islendik ULANYJA, özüniň oý-pikirleri esasynda hak-heşdek talap etmäge hukugyndan peýdalanan we/ýa-da şol nukdaý nazardan ondan maddy ýada pul serişdelerini alan halatynda AWTORLAR we SAÝT hiçbir jogapkärçiligi çekmeýärler.
7.5. ULANYJYLARYŇ arasynda ýüze çykan dawalar Türkmenistanyň kanunçylygyna laýyklykda kazyýetlerde çözülýär.
7.6. SAÝT we AWTORLAR hiç-bir ýagdaýda ULANYJYLARYŇ arasynda bolup geçen algy-bergileriň, ýa-da/we ýiten, döwülen, zeper ýeten, ogurlanan maddy, pul serişdeleriň öwezini dolup bermeýär.
8. Hakyky YLALAŞYGA - AWTORLAR bilen ULANYJYNYŇ arasyndaky agentlik gatnaşygy, birleşen iş gatnaşygy, hususy hakyna tutma ýa-da başga gatnaşyklaryň ylalaşygy diýip düşünmeli däl.